MƏXFİLİK SİYASƏTİ

Son yenilənmə: 18 noyabr 2026
Bu siyasət BakuStreet-in sizin haqqınızda hansı məlumatları topladığını və onlarla nə etdiyini izah edir. Məlumatların işlənməsi "Fərdi məlumatlar haqqında" Azərbaycan Respublikası Qanununa uyğundur.

Nə toplayırıq

  • –
    Sifariş üçün: ad, telefon, e-poçt, çatdırılma ünvanı, kuryer üçün qeyd.
  • –
    Hesab açsanız: ad, e-poçt, telefon, saxladığınız ünvanlar və parol. Parol geri açılmayan formada (bcrypt) saxlanılır, onu heç kim, o cümlədən biz də görə bilmirik. Google və ya Apple ilə daxil olsanız, onlardan yalnız adınızı, e-poçtunuzu və hesab identifikatorunu alırıq.
  • –
    Məkan (istəyə bağlı): "Məkanımı tap" düyməsinə bassanız, brauzer cari koordinatınızı verir. Koordinat ünvana çevrilmək üçün OpenStreetMap-in (Nominatim) xidmətinə göndərilir, xəritə də OpenStreetMap-dən yüklənir. Koordinat kuryerin yeri tapması üçün sifarişə yazılır. Düyməyə basmasanız, məkanınız heç yerə göndərilmir.
  • –
    Rəy yazsanız: ulduz, mətn və yüklədiyiniz şəkillər məhsul səhifəsində hamıya görünür, yanında adınız və soyadınız göstərilir. Şəkil brauzerdə kiçildilir, içindəki yer məlumatı (EXIF) silinir. Rəyi istənilən vaxt dəyişə və ya silinməsini istəyə bilərsiniz.
  • –
    Sifarişin özü: aldığınız mallar, ölçü, rəng, məbləğ, tarix.
  • –
    Ödəniş: kart məlumatları bizə gəlmir; ödəniş təminatçısından yalnız ödənişin nəticəsini alırıq.
  • –
    Texniki: sayt serverinin qeydləri (IP ünvanı, brauzer növü), təhlükəsizlik və xətaların aradan qaldırılması üçün.
  • –
    Ziyarət statistikası (yalnız razılıqla): kuki bannerində "Qəbul et" seçsəniz, baxdığınız səhifələr, IP ünvanı, ölkə, cihaz, əməliyyat sistemi və brauzer 90 gün öz serverimizdə saxlanılır. Ölkə IP ünvanından DB-IP bazası ilə serverimizdə təyin olunur (IP heç yerə göndərilmir). Kimsəyə ötürülmür. Ətraflı: Kuki siyasəti.

Nə üçün istifadə edirik

  • 1.
    Sifarişi rəsmiləşdirmək, çatdırmaq və sizə statusunu bildirmək.
  • 2.
    Qaytarma, dəyişdirmə və pul qaytarma müraciətlərinə baxmaq.
  • 3.
    Qanunla tələb olunan mühasibat və vergi uçotunu aparmaq.
Razılığınız olmadan reklam göndərmirik və məlumatlarınızı satmırıq.

Kimə ötürürük

Yalnız sifarişi yerinə yetirmək üçün lazım olan qədər: kuryer xidmətinə (ad, telefon, ünvan), ödəniş təminatçısına (Epoint: sifariş nömrəsi və məbləğ) və "Məkanımı tap" istifadə etsəniz OpenStreetMap-ə (yalnız koordinat). Dövlət orqanlarına yalnız qanunla tələb olunanda.

Nə qədər saxlayırıq

Sifariş məlumatları qanunla müəyyən edilmiş uçot müddəti ərzində saxlanılır. Bundan sonra silinir və ya şəxsiyyəti müəyyən etməyən formaya salınır.

Hüquqlarınız

Məlumatlarınızla tanış olmaq, düzəltmək, silinməsini və ya işlənməsinin dayandırılmasını tələb etmək hüququnuz var. Müraciət üçün: Əlaqə səhifəsindəki vasitələr. Cavabı qanunla müəyyən edilmiş müddətdə veririk.

Təhlükəsizlik

Sayt şifrələnmiş əlaqə (HTTPS) ilə işləyir. Məlumatlara yalnız sifarişlə işləyən əməkdaşlar baxa bilir.
Kuki fayllarından istifadə Kuki siyasəti səhifəsində təsvir olunub.